Nok ein gong er Kanaldagane gjennomført, i år for 21. gong sidan oppstarten i 2002. Med strålande sol gjennom heile helga kan me ikkje anna enn å sei oss godt nøgd med årets arrangement. 3620 registrere besøkande var innom i løpet av helga. Takk til alle som tok turen til oss. 137 frivillige arbeida 752 timar i løpet av helga. Tusen takk til alle som ein for bidraget til å skape eit vellykka arrangement. Me har lov å vere stolte over oss sjølv og det me får til. No skal me rigge ned og deretter trekke pusten ei lita veke før me går igong med å planlegge Kanaldagane 2026. Takk til alle sponsorane våre, alle dei vèl 40 utstillarane og ikkje minst alle veteranbåtane som bidreg til å skape eit arrangement som fengjer både store og små.

Me ber om respekt for at parkeringa ved Joker Finnås og Finnås Auto er reservert kundeparkering. Besøkande, utstillarar og frivillige skal ikkje parkere her. Me har fleire gode og store parkeringsområder. Parkeringsvakter er på vakt under heile messa og rettleier deg kor det er ledig parkering. Føl instruksjonar frå desse. For å sikre god parkering for alle besøkande har me oppretta fjernparkering på Våge laurdag. Frå klokka 10:30 på laurdag og heilt til messa stenger, kjører me gratis shuttlebuss mellom parkering på Våge og messeområdet. Kjøreturen tar 3-4 minutt. Har du passasjerer med deg i bilen kan du jo sleppe desse av i avstigningssona før du kjører til Våge for parkering. Ein spaserer trygt og godt utanom vegen (sjå grøn stipla linje) dei få metrane ned på parkeringsplassen og under brua til messeinngongen. Følg skilting mot Våge og Våge Skule for å komme til parkeringa. Kjem du med større køyretøy slik som buss vert me veldig glad om du varslar oss på førehand slik at me kan legge til rette for dette.

Skyss har også i 2025 satt opp ekstra Trygt Heim transport i samband med kveldsarrangementet til Kanaldagane. Trygt Heim er eit tilbod med nattavgangar i distrikta for deg mellom 16 og 24 år. Andre reisande kan nytte tilbodet dersom det er ledig plass. Rute 1 via Grønnevik/Håvik 02:00 Kulleseidkanalen 02:17 Gassasundet - Korrespondanse med rute 554 til Moster 02:40 Rubbestadneset kai Rute 2 via Tormodsætre/Mæland 02:00 Kulleseidkanalen 02:25 Svortland terminal Rute 620 mot Langevåg (vanleg Trygt Heim rute) 02:55 Kulleseidkanalen 03:23 Langevåg

No er korta i vaktplanen vår stokka om, og alle ubemanna vakter er lagt ut for plukking via Kanaldagane sine heimesider. Her kan du difor finne andre vakter og tidspunkt enn det som har vore tilgjengeleg for dei ulike laga. Eventuelt kan ein bla heilt ned til bunnteksten på nettsida vår og trykke på "Frivillig." Ein vel kva organisasjon ein ynskjer å representere, og det er denne som får betalinga for vakta. Me er kjempeglad for både medlemmer, foreldre og besteforeldre som bidrar. Om ein er 15 eller 50 spelar ingen rolle, ein klarar fint mange av oppgavene. Dei oppgåvene som krev 18-års aldersgrense er merka med dette.

Makalaust er eit energisk band frå Etne som spelar ein unik miks av country, rock og pop med eit drivande lydbilete og gjenkjennelege tekstar. Med røtene sine djupt planta i den vestnorske tradisjonen, leverer dei musikk som både rører og får folk til å danse. Bandet er kjent for sine sjølvskrivne låtar og ei livleg sceneoppleving som garantert vil engasjere publikum. Makalaust møter du under Kanaldagane 2025, i festvalteltet laurdag kveld.

Humor, Vestlandsk kystkultur, Johannes Kleppevik... det er ikkje få ord som dukkar opp når ein tenker på Ausekarane. Det som er sikkert er at dette er show, moro, musikk og underhaldning som treff på heimebane hjå dei aller fleste. Ideen til dette prosjektet fekk Tor Endresen i 2003 etter eit nesten livslangt forhold til både mennesket Johannes Kleppevik og musikken han. Tor fekk mellom anna gjennom denne kontakten eit sterkt og nært forhold til Vestlandsk kystkultur. Han kontakta så Bjørn Jensen – som omgåande tende på ideen. Med bandet Ausekarane har duoen sett sitt preg på, og omarrangert både kjende og mindre kjende melodiar frå det rikhaldige repertoar etter ’trubaduren til kysten’. Dei har gjort med Kleppeviks musikk mykje av det same som Bruce Springsteen gjorde med eit utval av Pete Seegers viser, med prosjektet ”Seeger Sessions”. Ausekarane treff du under Kanaldagane 2025, i festivalteltet laurdag kveld.

Tradisjon tru spelar Våge Skulemusikklag opp under Kanaldagane også i år. Korpset har sitt utspring frå Våge skulekrins og er eit aktivt korps som deltar i konkurransar, og gjennomfører speleoppdrag og konsertar heile året. Våge Skulemusikklag blei stifta i 1972 og har sidan den gong vore ein viktig del av det lokale musikkmiljøet. Å spela i korps er ein positiv aktivitet for born og unge. Det er ein arena der både musikalske og menneskelege eigenskapar blir utvikla. Det handlar om samspel på fleire områder, der alle er like viktige for eit godt sluttresultat. Skulemusikklaget har ingen reservebenk, her er alle på banen saman og samtidig, uavhengig av alder, kjønn og sosiale parameter. Våge Skulemusikklag rekrutterar hovedsakeleg medlemmar frå Våge skulekrins. Gjennom samarbeid med skulane i området gjev korpset barn og unge moglegheit til å læra å spela eit instrument og bli ein del av eit fellesskap som deler deira lidenskap for musikk. Korpset ynskjer alltid velkommen nye talent og legg stor vekt på inkludering og mangfald. Våge Skulemusikklag høyrer du under Kanaldagane 2025. Laurdag kl 11:30.

Med den særeigne varmen i stemma og ei unik formidlingsevne har Morten Samuelsen nådd mange hjarte med songen sin. Han har sunge sidan han var 8 år og har fleire ulike CD-produksjonar bak seg både i grupper og som solist. I 2011 kom han ut med sin første solo-CD med bla fleire kjende klassiske songar. Albumet "Til Trøst" kom ut i september 2019. Hans siste album "Med heile sjelå" kom ut juli 2021, med sjølvskrivne songar. I 2023 gav Morten ut 2 nye singlar og i 2024 har han gitt ut ein ny singel. Morten har i fleire år arrangert sine eigne konsertar, vore med på musikalar og delteke på ulike arrangement og konferansar. Våren 2015 deltok han i Norske Talenter og framførte bla songen Bring Him Home som rørte eit heilt Noreg. Våren 2016 var han med ei gruppe frå Stavanger Symfoniorkester på fleire konsertar rundt i Rogaland. Han har bla.a musikarar frå Stavanger Symfoniorkester med seg på albumet Til Trøst. Morten Samuelsen høyrer du under Kanaldagane 2025, søndag kl 12:30 i festivalteltet.

Med si stekre knyting til shanty, ny-keltisk, irsk og skotsk folkemusikk, godt prega av sjøfartsarven frå vest-Karmøy, har Slogmåkane opparbeida ein publikumsvennleg stil og sound med bruk av tradisjoneller instrument, smelta saumlaust saman med bass og trommer. Dette, saman med karismatiske vokalistar og ett energisk 20-mannskor i uhøgtidleg opptreden skapar dei ein energi og nærvær som tar eitkvart publikum med storm. Slogmåkane har sidan suksessen med 3. plass i Norske Talenter spela for fulle konsertsalar og festivaltelt i heile sør-Noreg. I tillegg til den sterke 3. plassen i Norske Talenter har gruppa mottatt den internasjonale prisen Shanties 2016 og 217 Grand Prix Award i Krakow, den lokale prisen "Karmøyfiskaren" 2017 samt Fiskeridagens Hederspris 2017. Koret vann Karmøy Kommunes kulturpris i 2023. Slogmåkane kan du oppleve under Kandaldagane 2025, laurdag kl 15:15 i festivalteltet.

Magisk showopplevelse med smak av Las Vegas! Bli med på ein ettermiddag i magiens teikn og la deg forføre av illusjonar og show når Alexx Alexxander viser kvifor han er utnemt til ei av verdas fremste illusjonist og underhaldar. Han vart i 2022 utnemnt til "Illusionist of The Decade i Las Vegas av verdas største organisasjon for magikarar med ein statuett i 24 karat gull. I 2019 fekk han utmerkelse som ingen har fått før han då han blei tildelt prisen "Best Performing Global Talent" av Seed Forum Global. Bli med på ein ettermiddag der det store og spektakulære møter det intime og nære! Alexx Alexxander møter du på Kanaldagane 2025. Laurdag kl. 13:15 i festivalteltet.

Superduoen Øyvind & Erik veit kva som skal til for å skape god stemning. Dei spelar barnemusikk og andre supre låtar med høg allsong faktor. Dette showet passar for dei aller fleste aldersgrupper. Ein skal ikkje sjå vekk frå at me får bli med på eit lite barnetog også. Superduoen Øyvind og Erik møter du på Kanaldagane 2025, festivalteltet søndag kl 14:00

Kanaldagane 2024 er kommen til vegs ende. Bobledisco for dei minste Me rettar ei stor takk til publikum som tok turen til oss. Rundt 3500 besøkande vitja Kanaldagane i løpet av dei tre dagane og kveldane arrangementet varte. Laurdag kveld var heile 669 personar samla i teltet for å oppleve Ingenting og Splint. Me håpar årets arrangement fall i smak og at ein allereie no gledar seg til neste år. Også i år klarte me å bemanne vaktplanen vår med alle dei oppsatte 845 timane fordelt på 259 ulike vakter. Ei enormt stor takk til alle frivillige, både dei som er med år etter år, og dei som var med for første gong. Utan dåke kunne me ikkje arrangert Kanaldagane. Overskotet frå arrangementet går som vanleg tilbake til laga og organisasjonane som dei frivillige representerer og bidreg til å skape aktivitet for små og store gjennom heile året. Takk til utstillarane som var med å gjere arrangementet til ei minnerik helg. Alle som sit i styringsgruppa til Kanaldagane fortjener og ei stor takk. Eit år med planlegging, møtevirksomhet og organisering vert avslutta med ei helg der det arbeidast frå tidlig morgen til langt ut på natta. Ein enorm innsats vert lagt ned for å lose arrangementet i hamn. Riggegruppa er allereie i gang med å plukke ned utstyr, dette vil føregå også dei neste kveldane. Når det er gjort skal styringsgruppa ta ein velfortjent kvil nokre dagar før ein samlast for evaluering og startar planlegginga for Kanaldagane 2025. Me sjåast i og rundt Kuleseidkanalen til neste år!